|
|
|
|
|
|
|
|
|
|
|
|
|
|
|
|
|
 |
 |
| КУЛТУРА И ТРАДИЦИЈА |
|
|
|
|
|
|
|
|
|
| НАЈНОВИ ВЕСТИ ОД МАКЕДОНИЈА |
Понеделник.20.5.2013 
|
|
|
|
| РЕПОРТАЖА |
МАKЕДОНЕЦ ОД БИТОЛСKО БИЛ KРСТЕН ПО ГЕРМАНСKИОТ ФИРЕР
Хитлер од Лопатица се жалел кај Тито
Скопје, 02 мај 2012
И Македонија имала свој Хитлер, но не по злодела, туку само според името. Пелагонискиот Хитлер е роден во 1940 година во прилепското село Лопатица. Дошол на свет во времето кога германскиот фирер доживувал големи воени успеси, освојувајќи голем дел од Европа, па кумовите одлучиле да го крстат според него. Се работело за суеверие во овој регион дека ако на бебето му се даде име на некоја голема или популарна личност и тоа ќе биде успешно понатаму во животот. Kумовите на Хитлер Здравески не можеле да претпостават дека му дале име на една од најозлогласените личности во историјата и му ставиле печат за цел живот.
- Името му го даде кумот. Во тоа време не смееше да се прекрши атерот на нункото. А тој, пак, беше човек што следеше политика, онолку колку што можеше да се следи од едно македонско селце. Имал слушнато за Хитлер, беше многу популарен, мислеше дека се работи за голема личност. Па, на снаата, која му беше и тетка на бебето, ~ рекол: „Снао, ти сега нунка ќе бидиш, ова име ако не го ставиш, не те сакам дома, ќе те избркам. Еден Хитлер има во Германија, кај нас уште еден се роди“- раскажува Лоза Здравеска, сопруга на пелагонискиот Хитлер.
Атерот на кумот не му го прекршил ни свештеникот, кој го крстил Хитлер од Лопатица. Но, во годините што следувале, како што се ширеле лошите вести за германскиот водач, така се зголемувале и негодувањата кај поповите, раскажува професорот Александар Стерјовски, истражувач и хроничар на битолскиот регион. Животната приказна на имењакот на Адолф Хитлер ќе влезе во книгата која Стерјовски ја подготвува со занимливости од Пелагониско.
- Името Хитлер поминало при крштевањето на детето. Но, подоцна, при црковен обред во семејството кога поп побарал, како што носи редот, да ги кажат имињата на членовите и било спомнато и името Хитлер, тој се вџашил. Прашал кој им дозволил да стават такво име. Во тоа време Македонија била под српска власт, па имало дури и список со имиња кои смеат да се стават. Со непријатности се соочил попот што го имал крстено, а ќе била казнета и тетката, но се разгорила војната и веќе никој не мислел на тоа - раскажува професорот Стерјовски.
Хитлер името го носел дури до војска, кога под притисок на ЈНА морал да се прекрсти. За случајот дознал дури и маршалот Јосип Броз Тито.
- Отиде војска во Србија. Ќе му испратевме писмо, тие не му го давале. Му велеле „писмо имаш од дома, но не ти го даваме“. Зошто, ќе прашал, а одговорот бил: „Заради името, не ти го даваме дури не го смениш“. Тој пишал жалба дури и до Тито. Одговорот на жалбата бил „немојте да го гоните човекот, не е кабает, името му го ставил кумот“. Но војниците го задевале, не му давале мир и се прекрстил во Ќирил - раскажува Лоза Здравевска.
Хитлер се прекрстил, но меѓу народот во Пелагониско, посебно во битолското село Мусинци каде што се доселил, му останало името Хитлер. Неговиот син Јоце вели дека го носел презимето на германскиот фирер, но не и карактерот.
- Само името го делеа, а можеби и интелигенцијата. Татко ми беше добар човек. Се занимаваше со земјоделство. Беше голем занаетчија. Трактор можеше да расклопи до последно шравче и пак да го склопи. Беше и 18 месеци на печалба во Германија, каде што за три-четири месеци јазикот го совлада - раскажува син му Јоце.
Носел несекојдневно име, но сепак си го сакал. Се лутел кога другите го викале Ќирил, иако тоа име му било внесено во личната карта. Починал пред десет години, а и на надгробната плоча е запишан со крстеното - Хитлер Здравески.
|
|
|
|
|
|
