You Are Here: Home » Вести » Седумдесетти роденден на Друштвото на писателите на Македонија

Седумдесетти роденден на Друштвото на писателите на Македонија

Седумдесетти роденден на Друштвото на писателите на Македонија
Друштвото на писателите на Македонија денеска одбележува 70 години постоење. На денешен ден во 1947 година ДПМ е формирано како професионално здружение на писателите од Македонија од страна на: Васил Иљоски, Блаже Конески, Ристо Крле, Славко Јаневски, Владо Малески, Димитар Митрев, Иван Точко и Ацо Шопов. За прв претседател на ДПМ бил избран Блаже Конески.

Македонската писателска асоцијација има 540 членови, од кои 30 писатели членуваат повеќе од половина век.

ДПМ го издава списанието „Стожер“ и ги доделува годишните награди за најдобри остварувања во: поезијата – „Ацо Шопов“; прозата – „Стале Попов“; критиката и есеистиката „Димитар Митрев“; за најуспешна книга за деца – „Ванчо Николески“, како и наградите „Книжевен жезол“ – за поетски опус со високи естетски вредности и „Книжевен мост“ – за дело објавено на некој од јазиците на националностите во Македонија.

Седумдеценискиот јубилеј ДПМ ќе го прослави в четврток, 16 февруари, со свечен собир на кој, меѓу другото, ќе бидат врачени и наградите за најдобри книжевни остварувања во 2016 година.

© 2012 Матица на иселниците од Македонија - Сите права ги задржува МИМ

Scroll to top