Работна средба на министерот Димитров со Амбасадорите на земјите од Вишеградската група

-група.jpg

Во организација на амбасадорот на Чешката Република, земја која тековно претседава со Вишеградската група, а согласно воспоставената пракса, денеска се одржа работна средба на министерот за надворешни работи Никола Димитров со амбасадорите на земјите од Вишеградската група. Во оваа група покрај Чешка членуваат и Полска, Унгарија и Словачка.

Министерот Димитров ги брифираше амбасадорите за последните внатрешно-политички случувања, резултатите во клучните реформиски области, сето тоа во контекст на потребата од октомврискиот Совет на ЕУ да усвои одлука за отпочнување на пристапните преговори за членство во Европската Унија. Се заблагодари на досегашната поддршка на земјите од В4 на процесот на пристапување, како и на секоја од земјите од Регионот поединечно. Оваа поддршка неодамна беше уште еднаш демонстрирана преку одржување на првиот Самит на премиерите од В4 и Западен Балкан, стои во соопштението од МНР.

Напишете коментар

Вашата адреса за е-пошта нема да биде објавена. Задолжителните полиња се означени со *

scroll to top