“Господ постои, името ѝ е Петрунија” на Теона Стругар Митевска продолжува да го освојува светот. На штотуку завршениот 15 филмски фестивал Евроазија во Казахстан “Господ постои, името ѝ е Петрунија” ја освои наградата за најдобро сценарио за сценаристите на филмот Елма Татарагиќ и Теона Стругар Митевска. Во конкуренција со побединкот од Кан, кореанскиот “Паразит” и други врвни филмски остварувања, со уште едно признание “Петрунија” дефинитивно се наметнува како еден од најуспешните филмови оваа година.
Во месец јули “Господ постои, името ѝ е Петрунија” ќе биде прикажан на седум фестивали, а ќе започне и кино дистибуцијата на филмот во Кина.
Јулската турнеа на филмот започна со EURASIA INTL. FILM FESTIVAL, Kazakhstan, Nur-Sultan, потоа продолжува на филмскиот фестивал во Ереван каде исто така е во главната конкуренција GOLDEN APRICOT YEREVAN INTERNATIONAL FILM FESTIVAL.
Следната недела филмот ќе биди преставен пред Хрватската публика на двата најпрестижни фестивали во Хрватска Pula Film Festival, 13 – 21/07/2019, и MOTOVUN FILM FESTIVAL, Croatia, од 23-27 Јули.
Потоа Австралискиот дистибутер го носи филмот во Нов Зеланд на пред-премиерно прикажување на NEW ZEALAND INTERNATIONAL FILM FESTIVAL, 18 Jul–11 Aug.
Како подготовка за Кинеската дистибуција, Кинескиот дистибутер филмот како пред-премиера го прикажува на First International Film Festival, Xining, China, од 20-28 July.
“Петрунија” за половина година ја заобиколи планетата и веќе се здоби со шест награди и ќе биде дистрибуиран во над триесет и пет земји низ целиот свет. Во моментов сеуште се прикажува во киносалите низ Франција и Швајцарија веќе дванаесета недела, а веќе е прикажан и на триесетина фестивали.
