Могерини: Стратешка грешка ако ЕУ во јуни не ги почне преговорите со Скопје

mogerini.png

Во обраќањето пред Комитетот за надворешни работи на Европскиот парламент, високиот претставник на ЕУ за надворешна политика и безбедност Федерика Могерини, посочи дека би била голема стратешка грешка и пример за „кратковидност“ на ЕУ доколку не донесе одлука за покренување на пристапни преговори со Скопје и Тирана во јуни.

Политиката на проширување на ЕУ, според неа, е една од успешните приказни за време на нејзиниот петгодишен мандат и мандатот на актуелниот состав на ЕП.

– Кога ќе ја погледнете мапата на Европа, гледате дека Балканот е дел од неа. Поради оваа причина, наместо терминот проширување, јас лично сакам да разговарам повеќе за повторно обединување на Балканот со Европа, рече Могерини.

Таа како успешен пример на европската политика кон Балканот го наведе Договорот помеѓу Скопје и Атина.

– Нашата политика кон Балканот е успешна приказна која имаше тежок почеток и пат од неочекуваното до воспоставување на доверба и заеднички предизвици, истакна Могерини.

Напишете коментар

Вашата адреса за е-пошта нема да биде објавена. Задолжителните полиња се означени со *

scroll to top