Волтер Дефа специјален пратеник за економија во македонската влада

20190226011339.jpg

Најавите за економска помош пратена директно од канцеларката на ветената земја се остварија. Волтер Дефа, кој во земјава доаѓа пратен директно од Меркел, ќе има за задача да и помогне на Македонија во економските реформи. Тој е професионалец кој треба да ѝ помогне на македонската влада во обезбедувањето подобар пристап до европските фондови и во спроведувањето на економските политики.

„Идниот советник кој ќе биде во мојот кабинет ќе биде предочен директно од Германија, посебно од економската заедница. Тој најмногу ќе биде посветен на дуалната едукација, односно подготовката на квалификувана работна сила“, укажа премиерот Заев посочувајќи дека бизнис-заедница е свесна оти тоа е добредојдено и дека оваа помош нема да се однесува само на германските компании, заради тоа што подготовката ќе оди на целиот кадар и ќе биде сериозно олеснување и можност за домашното стопанство“, наведе премиерот при најавувањето дека Германија ќе испрати двајца советници за Владата на Заев.

Од Владата неодамна за дел од медиумите открија дека Владата на Германија го испраќа Валтер Дефа и таа го плаќа а, покрај задачата да не начучи како да ги користиме европските фондови, ќе треба да не научи и како да спремаме проекти за да аплицираме во претпристапните ЕУ-фондови и како да ни порасне процентот на реализација на средства од нив.

Задача на Валтер ќе биде и олеснување на контакти со германски фирми кои би можеле да инвестираат во Македонија, како и поедноставен пристап на македонските компании на германскиот пазар.

Валтер Дефа е човек што свири пијано, сака старогрчки и игра голф.

Тој директорувал со два директорати во Европската комисија, на најголемиот, за даноци и царини, а потоа од 2012 до 2016 и на Директоратот за регионална и урбана политика.

Во јуни, од Германија треба да стигне уште еден советник.

Напишете коментар

Вашата адреса за е-пошта нема да биде објавена. Задолжителните полиња се означени со *

scroll to top