Арсовска: Немањето функционален систем ги брка компаниите од Македонија

Бизнисот бара да се формира Унифициран регистар, каде ќе се избегнат двојните плаќања и ќе се добијат унифицирани цени, вели Данела Арсовска претседателка на Сојузот на комори во емисијата „Утрински брифинг“ на „Слободен печат“.

-Парафискалните давачки кај малите и средни претпријатија најчесто надминуваат дупли износ од она што компаниите го плаќаат за даноците на годишно ниво. Тоа знае да е значителен трошок за компаниите и е нешто кое е потребно под итно да се адресира и да се направат реформи во насока на намалување на овие парафискални давачки- изјави во УБ Данела Арсовска, претседателка на Сојузот на комори.

Од 50 денари до 18 милиони денари или речиси 300.000 евра – толку може да плати една компанија во земјава по државните институции за такси, надоместоци, дозволи, одобренија, лиценци.